Oraingoan, ez duzue sekulako lanik hartu beharko cosplay ikusgarriak sortzen, eta ez duzue zentimo bat ere gastatu beharko ileordeak erosten.

Oso erraza da: 3 laguneko taldeak osatu behar dituzue, eta zuetako bat izango da manikia. Eszenatokira igo beharko duzue, eta, han aurkitzen duzuen materialarekin, cosplay bat egin beharko duzue… 7 minututan.

Adituek osatutako epaimahai batek baloratuko du poltsak ebakitzeko eta zinta itsasteko teknika, eta arratsaldean bertan erabakiko du irabazlea zein den. Zatozte igandean, 18:30etan, eszenatokira, taldeak osatzen hasteko.